ओखलढुंगामा जिप दुर्घटना हुँदा एक जनाको मृत्यु १० जना गम्भीर घाइते

ओखलढुंगा : ओखलढुंगाको चिशंखुगढी गाउँपालिका–३ दियालेमा आज बिहान बोलेरो जिप दुर्घटना हुँदा एक जनाको मृत्यु भएको छ भने १० जना गम्भीर घाइते भएका छन्।

दियालेदेखि ओखलढुंगा सदरमुकामतर्फ आउँदै गरेको ना १ ज ८४८३ जिप दुर्घटना हुँदा १ जनाको ज्यान गएको र १० जना घाइते भएको जिल्ला प्रहरी कार्यालय ओखलढु्गांका प्रहरी प्रमुख डिएसपी दिपकबहादुर केसीले जानकारी दिनुभयो। केही घाइतेको अवस्था गम्भीर रहेकोले मृतकको संख्या बढ्नसक्ने उहाँले बताउनु भयो।

केसीका अनुसार घाइतेलाई सिम्रिक एयरको हेलिकोप्टरबाट उद्धार गरिएको छ। उनीहरुलाई थप उपचारका लागि काठमाडौं पठाउने तयारी गरिएको हो।