बैतडीमा भीरबाट लडेरएक कर्मचारीको मृत्यु

बैतडी : भीरबाट लडेर हिजो शनिबार बैतडीमा एक कर्मचारीको मृत्यु भएको छ। मृत्यु हुनेमा सिगास गापा–८ लुपुँडकी ३० वर्षीया सरस्वती धामी बोहरा रहेको बैतडीका प्रहरी प्रवक्ता, प्रहरी निरीक्षक लोकराज जोशीले जानकारी दिनुभयो।

सिगास गापामा कम्प्युटर अपरेटर पदमा कार्यरत सरस्वतीको घरनजिकैको भीरमा हिजोशनिबार दिउँसो खर काटिरहेका वेला लडेर घटनास्थलमै ज्यान गएको हो।

बोहरा डेढ महिना अघिमात्रै कम्प्युटर अपरेटर पदमा नियुक्त भएकी थिइन्।