एस्टन भिल्लाले प्रशिक्षक स्टेभेन जेरार्डलाई बर्खास्त ग¥यो

दाङ : एस्टन भिल्लाले प्रशिक्षक स्टेभेन जेरार्डलाई बर्खास्त गरेको छ। गएराति सम्पन्न खेलमा फुलह्यामसँग ३–० ले पराजित भएपछि क्लबले प्रशिक्षक जेरार्डलाई बर्खास्त गरेको हो।​

एस्टन भिल्लाले यस सिजनमा खेलेका ११ खेलमा केवल २ खेल जितेको छ भने ६ खेलमा हार बेहोरेको छ। प्रिमियर लिगमा एस्टन भिल्ला ११ खेलमा ९ अंकसहित लिगमा १७औं स्थानमा रहेको छ।​

रेन्जर्स क्लबबाट २०२१ को नोभेम्बर ११ मा एस्टन भिल्ला आएका जेरार्डले ४० खेलमा क्लबको नेतृत्व गरेका थिए। जसमा उनले केवल १३ खेलमा जित दिलाएका छन् भने ८ खेल बराबरीमा र १९ खेलमा हार बेहोरेका छन्।​

गएरातिको खेलपछि एस्टन भिल्लाले एक विज्ञप्ति जारी गर्दै प्रशिक्षक जेरार्डले तुरन्तैदेखि लागू हुने गरि क्लब छोडेको जानकारी दिएको थियो। अब क्लबको प्रशिक्षक को बन्छ भन्ने बारे स्पष्ट भएको छैन।